Azərbaycanda bu ilin sonuna yaxın bələdiyyə seçkiləri keçirilməli olsa da, hələ tarixi açıqlanmayıb. Qanunvericiliyə görə, seçki səsverməyə azı 60 gün qalmış elan edilməlidir. Amma Mərkəzi Seçki Komissiyası onun tarixi ilə bağlı, hələlik, heç bir açıqlama verməyib.
Gürcüstanda oktyabrın 26-da keçirilən parlament seçkilərində hakim "Gürcü arzusu" partiyası, rəsmi nəticələrə görə, səslərin 54 faizini toplayıb. Müxalifət koalisiyaları seçkinin nəticələrini tanımadıqlarını və saxtalaşdırmaların olduğunu bildirib.
Almaniya mətbuatı Türkiyənin BRICS-ə qəbul edilməməsini Hindistanın mövqeyi ilə əlaqələndirib.
Yeni Kaledoniya Konqresinin yeni seçilmiş prezidenti Veylma Falaeo sələfi Roş Vamitanın Azərbaycanla əməkdaşlıq haqqında imzaladığı sazişi birtərəfli qaydada ləğv etdiyini açıqlayıb. Yerli mətbuat sazişin Yeni Kaledoniyanın Fransadan müstəqil olmasını dəstəkləməyə yönəldiyini bildirmişdi.
Oktyabrın 21 və 22-də yağışlar nəticəsində Bakı şəhərinin bir çox hissəsini su basıb. Yaranan böyük gölməçələr vətəndaşların və avtomobillərin hərəkətinə əngəl yaradıb. Sakinlər problemin kanalizasiya sisteminin işləməməsi ilə əlaqəli olduğunu deyirlər.
Bir sıra ekspertlər hər iki ölkədəki seçkiləri Qərblə Rusiya arasında ediləcək seçim adlandırırlar.
Ukrayna prezidenti Volodimir Zelenski iddia edib ki, rəsmi Pxenyan Rusiyanın Ukraynada təcavüzkar müharibəsini dəstəkləmək üçün əsgər və silah göndərib.
Oktyabrın 18-i Azərbaycanda Müstəqilliyin Bərpası Günüdür. 2022-ci ilə qədər bu bayram ölkədə Dövlət Müstəqilliyi Günü olaraq qeyd edilib. Bu tarixdən etibarən 28 May - Respublika Gününün adı Müstəqillik Günü ilə əvəz olunub.
Azərbaycanda "Halal" sertifikatı veriləcək. Beynəlxalq akkreditasiya standartları səviyyəsində olacağı iddia edilən "Halal" sertifikatı vermək hüququnu Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTANDART) əldə edib.
Milli Məclisdə tütün məmulatlarının, məişət tullantılarının ətraf mühitə atılmasına görə cərimənin məbləğinin artırılması müzakirə edilir. Dəyişiklik təsdiqlənərsə, cərimənin məbləği 50 manatdan 300 manata qaldırılacaq.
Oktyabrın 8-də "Human Rights Watch" və "Freedom Now" insan haqları təşkilatları yaydıqları birgə hesabatda Azərbaycanda hökumətin tənqidçilərinə, müstəqil qruplara və mediaya qarşı kinli hücum aparıldığını yazıblar.
Milli Məclisin 43 deputatı oktyabrın 5-də Azərbaycan xarici işlər naziri Ceyhun Bayramova müraciət edərək ABŞ ilə münasibətlərə yenidən baxılması və müdafiə sahəsində əməkdaşlığa dair sazişlərə xitam verilməsini istəyib.
Davamı
